“ISHTIXON" KO’CHASIDA VUJUDGA KELGAN VAZIYAT BARTARAF ETILDI
Joriy yilning 17 – yanvar sanasida, Uzfakt.uz telegram kanali orqali "yomg'ir yog'ishi oqibatida, Ishtixon tumanining markazida joylashgan “Ishtixon" ko’chasini suv bosdi" mazmunidagi tanqidiy xabar berilgan edi.
Bugun ushbu ma’lumot yuzasidan Ishtixon tuman hokimligi hamda tuman FVV xodimlari tomonidan tuzilgan tezkor ishchi guruhi “Ishtixon" ko’chasida sodir bo’lgan holatni o'rganishdi.
Aholi istiqomat qiluvchi ushbu ko’chada vujudga kelgan noqulaylik o’rganilib tezkorlik bilan mas'ullar tomonidan bartaraf etildi.
Shuningdek, ushbu ko'chada keyingi mana shunday salbiy holatlarning oldini olish maqsadida aholining roziligi bilan suv to'planmaslik choralari ko`riladi.
Ishtixon tuman hokimligi axborot xizmati